Lov

Riksteaterlova

Lov om Riksteatret [riksteaterlova]

Ansvarlig departement: Kultur- og likestillingsdepartementet

§ 1

Endra med lov 20 juni 2003 nr. 45 (ikr. 1 juli 2003 iflg. res. 20 juni 2003 nr. 712).

Riksteatret har til føremål å fremja arbeidet med å føra dramatisk kunst ut til folket i bygd og by og på andre tenlege måtar å auka kjennskapen til god dramatisk kunst.

å greida med den praktiske tilskipinga av spelferder som Riksteatret ynskjer å senda ut og som går ut frå og blir drivne av dei statsstødde teatra i landet i samsvar med dei plikter som desse teatra har for å få statsstønad,

å stø godtekne spelferder som går ut frå andre faste teater enn dei som er nemnde under bokstav a eller som med eller utan tilskunning frå Riksteatret kjem i stand etter opptak frå einskildpersonar, institusjonar eller grupper av skodespelarar, og som desse sjølve har det økonomiske ansvaret for,

å skipa til spelferder med skodespelarar som er tinga til dette beinveges av Riksteatret for den einskilde spelferda eller for ein heil spelbolk,

å få i stand lokale teaterlag til framhjelp for Riksteatret og det føremålet det har,

å fremja arbeidet med å reisa tidhøvelege teaterbygnader,

å fremja eller stø andre tiltak som er tenlege for føremålet.

§ 2

inntekter verksemda kastar av seg,

dei tilskot kommunane og andre gjev,

tilskot frå staten etter nærare vedtak av Stortinget.

§ 3

Endra med lov 8 feb 1974 nr. 2.

Riksteatret skal ha eit styre på 7 medlemer med varamenn, oppnemnde av Kongen for 4 år. 2 av medlemene med varamenn blir oppnemnde etter framlegg frå dei tilsette ved teatret. Kongen fastset òg kven som skal vera formann og varaformann.

Kongen fastset arbeidsområdet og gjev instruks for styret.

§ 4

Kongen tilset ein Riksteatersjef for 5 år. Riksteatersjefen står for den daglege verksemda i samsvar med dei vedtak styret gjer og med instruks, gjeven av Kongen.

§ 5

Denne lova blir sett i verk frå den dagen¹ Kongen fastset.

Endringshistorikk

1 endring siden 2001

Lov om retting av feil m.m. i lovverket
Kunngjort:
20. juni 2003
Kunngjøringsnummer:
2003-0618
Ikrafttredelse:
Kongen fastset.
Ansvarlig departement:
Justis- og politidepartementet

Kilde: Norsk Lovtidend via Lovdata (api.lovdata.no)