Kulturlova | Lov Norge

§ 1 FøremålFøremål

Endra ved lov 9 mai 2025 nr. 14 (i kraft 1 juli 2025 iflg. res. 9 mai 2025 nr. 754).

Lova skal leggja til rette for eit ope og opplyst offentleg ordskifte gjennom å fastleggja offentlege styresmakters ansvar for å fremja og leggja til rette for eit breitt spekter av kulturverksemd i tråd med prinsippet om armlengds avstand, slik at alle kan få høve til å delta i kulturaktivitetar og oppleva eit mangfald av kulturuttrykk.

§ 2 DefinisjonarDefinisjonar

skapa, produsera, utøva, formidla og distribuera kunst- og andre kulturuttrykk,

verna om, fremja innsikt i og vidareføra kulturarv,

delta i kulturaktivitet,

utvikla kulturfagleg kunnskap og kompetanse.

§ 2 a Avstand til politiske styresmakterAvstand til politiske styresmakter

Tilføyd ved lov 9 mai 2025 nr. 14 (i kraft 1 juli 2025 iflg. res. 9 mai 2025 nr. 754).

Avgjerder som i hovudsak skal baserast på kunstnarleg eller kulturfagleg skjønn, skal treffast av personar med relevant fagkompetanse. Politiske styresmakter kan ikkje overprøva eller instruera om innhaldet i slike avgjerder. Dette er ikkje til hinder for overordna styring gjennom økonomiske og juridiske rammer og generelle mål.

avgjerder basert på kulturmiljøfagleg skjønn, inkludert avgjerder om tildeling av tilskot til tiltak knytte til kulturmiljø, eller til ivaretaking av tradisjonshandverk når tilskotet har samanheng med slike tiltak

ved behandling av klage etter forvaltningslova § 28 andre leddet.

§ 3 Statens oppgåverStatens oppgåver

Staten skal fremja og leggja til rette for eit breitt spekter av kulturverksemd over heile landet gjennom rettslege, økonomiske, organisatoriske, informerande og andre relevante verkemiddel og tiltak.

Staten skal utforma verkemiddel og gjennomføra tiltak for å fremja og verna eit mangfald av kulturuttrykk i samsvar med internasjonale rettar og plikter.

§ 4 Fylkeskommunens og kommunens oppgåverFylkeskommunens og kommunens oppgåver

Endra ved lov 9 mai 2025 nr. 14 (i kraft 1 juli 2025 iflg. res. 9 mai 2025 nr. 754).

Fylkeskommunen og kommunen skal syta for økonomiske, organisatoriske, informerande og andre relevante verkemiddel og tiltak som fremjar og legg til rette for eit breitt spekter av kulturverksemd regionalt og lokalt.

Fylkeskommunen og kommunen skal ha ei skriftleg oversikt over status og utviklingsbehov på kulturfeltet og fastsetja overordna mål og strategiar for dette feltet i arbeidet med planar etter plan- og bygningslova kapittel 8 og 11. Måla og strategiane bør vera eigna til å møta dei utfordringane som går fram i den skriftlege oversikta.

§ 5 Felles oppgåverFelles oppgåver

at kulturlivet har føreseielege utviklingskår,

å fremja profesjonalitet og kvalitet i kulturtilbodet og leggja til rette for deltaking i kulturaktivitetar,

at personar, organisasjonar og institusjonar har tilgang til informasjon om ordningar med økonomisk støtte og om andre verkemiddel og tiltak.

§ 6 IkraftsetjingIkraftsetjing

Kongen fastset når¹ lova skal ta til å gjelda.

Endringshistorikk

2 endringer siden 2001

Ikraftsetting av lov 9. mai 2025 om endringar i kulturlova (føremål, armlengd og kommunal planlegging)

Kunngjort:: 9. mai 2025
Kunngjøringsnummer:: 2025-0429
Ikrafttredelse:: 2025-07-01
Ansvarlig departement:: Kultur- og likestillingsdepartementet

Endringslov til kulturlova

Kunngjort:: 9. mai 2025
Kunngjøringsnummer:: 2025-0335
Ikrafttredelse:: Kongen fastset
Ansvarlig departement:: Kultur- og likestillingsdepartementet

Kilde: Norsk Lovtidend via Lovdata (api.lovdata.no)