Forskrift

Forskrift om dvergålegras som prioritert art

Forskrift om dvergålegras (Zostera noltei) som prioritert art

Ansvarlig departement: Klima- og miljødepartementet

§ 1 Dvergålegras som prioritert artDvergålegras som prioritert art

Dvergålegras (Zostera noltei) er utpeika som prioritert art.

§ 2 FøremålFøremål

Føremålet med forskrifta er å ta vare på dvergålegras i samsvar med forvaltingsmålet for artar i naturmangfaldlova § 5 første ledd.

§ 3 Forbod mot uttak, skade og øydeleggingForbod mot uttak, skade og øydelegging

Alle former for uttak, skade eller øydelegging av dvergålegras er forbode. Som øydelegging er medrekna mudring, utbygging, utfylling og endring av straumforholda og andre handlingar dersom dei er eigna til å skade eller på annan måte forringe førekomstar av arten.

§ 4 SkjøtselSkjøtsel

Forvaltingsstyresmakta, eller den forvaltingsstyresmakta har inngått avtale med, helst grunneigar, kan setje i verk tiltak i samsvar med naturmangfaldlova § 47, jf. § 24 andre ledd, for å oppretthalde eller oppnå den natur- eller kulturtilstanden som er nødvendig for å sikre bevaring av arten.

§ 5 ForvaltingsstyresmaktForvaltingsstyresmakt

Endra ved forskrift 8 okt 2021 nr. 2958 (i kraft 1 nov 2021).

Statsforvaltaren er forvaltingsstyresmakt etter forskrifta.

§ 6 DispensasjonDispensasjon

Endra ved forskrift 8 okt 2021 nr. 2958 (i kraft 1 nov 2021).

Statsforvaltaren kan, etter søknad, gjere unntak frå forboda i § 3 i samsvar med naturmangfaldlova § 24 femte ledd. Gjeld søknaden fleire fylke, blir han handsama av Miljødirektoratet.

Ved søknad om dispensasjon frå forskrifta, kan forvaltingsstyresmakta krevje at følgjene av det planlagde tiltaket for arten blir klarlagde i samsvar med naturmangfaldlova § 24 første ledd bokstav c.

§ 7 IkraftsetjingIkraftsetjing

Forskrifta trer i kraft straks.

Endringshistorikk

1 endring siden 2001

Endr. i diverse forskrifter som følge av innføring av kjønnsnøytral tittel på fylkesmannen
Kunngjort:
12. oktober 2021
Kunngjøringsnummer:
2021-1748
Ikrafttredelse:
2021-11-01
Ansvarlig departement:
Kommunal- og moderniseringsdepartementet

Kilde: Norsk Lovtidend via Lovdata (api.lovdata.no)