Forskrift om auke av tillaten biomasse, akvakultur

§ 1 FormålFormål

Formålet med denne forskrifta er å gjennomføre ein kapasitetsauke for løyve til matfisk av laks, aure og regnbogeaure.

§ 2 VerkeområdeVerkeområde

Forskrifta gjeld høve til å auke maksimalt tillaten biomasse for løyve til matfisk av laks, aure og regnbogeaure i sjøvatn med 5 % av den maksimalt tillatne biomassen mot vederlag. Høve til auke gjeld ikkje løyve til matfisk av laks, aure og regnbogeaure i sjøvatn til særlege formål, jf. kap. 5 i forskrift 22. desember 2004 nr. 1798 om tillatelse til akvakultur av laks, ørret og regnbueørret.

§ 3 Kunngjering av tilbodKunngjering av tilbod

Tilbodet skal offentleggjerast på fylkeskommunane og Fiskeridirektoratet sine internettsider minimum to månader før fristen går ut. Fiskeridirektoratet utarbeider kunngjeringstekst og annan dokumentasjon til bruk for søknad og forvaltning av ordninga.

Fylkeskommunane skal også seinast 5. juli 2015 kunngjere tilbodet i brev til innehavarar av akvakulturløyve som står i akvakulturregisteret på det tidspunktet. Brevet kan sendast elektronisk.

Krav til søknad og frist for innsending.

Informasjon om vederlag og innbetaling av dette.

Informasjon om vilkår for utviding av løyve.

§ 4 SøknadSøknad

Innehavar av løyve til matfisk av laks, aure og regnbogeaure i sjøvatn skal etter § 6 sende søknad til fylkeskommunen i det fylket løyvet høyrer heime dersom han ønskjer å utvide løyvet.

Det skal ikkje betalast søknadsgebyr for søknad etter denne forskrifta.

§ 5 VederlagVederlag

For løyve i Troms og Finnmark som er avgrensa til 945 tonn er vederlaget 1 000 000 kroner.

For løyve i resten av landet, som er avgrensa til 780 tonn, er vederlaget 1 000 000 kroner.

For løyve med anna avgrensing enn nemnd i bokstav a og b, er vederlaget 25 500 kroner per tonn løyvet blir utvida med.

Vederlaget skal betalast til Fiskeridirektorat, Økonomiseksjonen, Postboks 185 Sentrum, 5804 Bergen, kontonummer 7694 05 09048, og vere merka «Vederlag 2015 – [nummer på løyve]». Frist for innbetaling er den same som for innsending av melding etter § 8 tredje ledd.

Vederlaget blir ikkje refundert ved eventuell seinare inndraging av akvakulturløyvet på bakgrunn av forhold nemnde i akvakulturloven § 9, medrekna § 9 i denne forskrifta.

§ 6 Krav til sending og søknadKrav til sending og søknad

Endra ved forskrift 15 nov 2016 nr. 1330.

Søknaden skal sendast seinast 10. januar 2017. Det er tillate å sende søknaden med rekommandert brev, per faks eller elektronisk. Oppmøte hos den einskilde fylkeskommune, enten personleg eller med sendemann, er også tillate. Ved oppmøte skal søknaden vere mottatt innan 10. januar 2017 kl. 1500.

Søknaden skal merkast med: «Søknad om kapasitetsauke 2015».

Søknaden skal førast på fastsette skjema og minimum innehalde informasjon om kva løyve søknaden gjeld.

§ 7 VilkårVilkår

Det skal heile tida vere færre enn 0,2 vaksne holus av lakselus (Lepeophtheirus salmonis) i gjennomsnitt per fisk.

Forskrift 5. desember 2012 nr. 1140 om bekjempelse av lakselus i akvakulturanlegg gjeld, med unnatak for § 6 andre ledd siste punktum, då teljing av lakselus skal gjennomførast i samsvar med vedlegg 1 til denne forskrifta.

Grensa i bokstav a skal haldast ved bruk av maksimalt 2 medikamentelle behandlingar mot lakselus per produksjonssyklus.

Krava i bokstavane a) til c) gjeld på alle lokalitetar som er knytt til løyve som har fått auka MTB etter denne forskrifta. Grensa gjeld fram til lokaliteten blir lagd brakk etter avslutta produksjonssyklus, sjølv om løyve som har fått auka MTB etter denne forskrifta ikkje lenger er knytt til lokaliteten.

Nye vilkår til løyve etter denne forskrifta vil falle inn under vesentlege endringar i akvakulturdriftsforskrifta § 40 siste ledd, og krav til søknad om endring av driftsplan. Samdrift eller samlokalisering er ikkje tillate med mindre alle løyve knytte til lokaliteten er utvida etter denne forskrifta, eller Fiskeridirektoratet etter søknad gir løyve til slik drift på dei vilkåra som følgjer av denne føresegna. Ved brot på vilkåra er alle innehavarar av løyve på lokaliteten solidarisk ansvarleg.

Løyve som har fått auka MTB etter denne forskrifta kan inngå i ein selskaps- eller konsernbiomasse etter forskrift om drift av akvakultur § 47, § 48, § 48a og § 48b. Vilkåra etter denne føresegna gjeld berre på lokalitetar knytte til løyve som har fått auka MTB etter denne forskrifta.

§ 8 Vedtak og tilsynVedtak og tilsyn

Endra ved forskrift 15 nov 2016 nr. 1330.

Fylkeskommunen i det fylket løyvet høyrer heime skal behandle søknaden og gjere vedtak. Fiskeridirektoratet er klageinstans. Søknad som blir levert for seint, blir ikkje behandla.

Fylkeskommunen skal gjere positivt vedtak dersom søkjaren oppfyller krava i § 4 og § 6. Endeleg positivt vedtak føreset at innehavar av løyve leverer melding og innbetaler vederlag etter tredje ledd i denne føresegna.

Innehavaren gir melding til fylkeskommunen der løyvet høyrer heime 2 veker før han ønskjer at utvidinga av løyvet skal takast i bruk, men ikkje seinare enn 1. mars 2017. Kvittering for innbetaling av vederlag skal leggjast ved meldinga.

Dersom det ikkje er lagt ved kvittering, skal fylkeskommunen be Fiskeridirektoratet kontrollere om vederlaget likevel er innbetalt og bokført innan fristen i § 8 andre ledd. Dersom det ikkje er lagt ved kvittering eller vederlaget ikkje er bokført på Fiskeridirektoratet sin konto innan fristen, blir løyvet ikkje utvida og fylkeskommunen skal omstøyte vedtaket som er gjort etter første og andre ledd.

Dersom meldinga har eventuelle andre feil eller manglar, set fylkeskommunen ein rimeleg frist for oppretting.

Det kan klagast til Fiskeridirektoratet på vedtak. Dersom vedtaket blir halde oppe etter at saka er endeleg avgjort i forvaltninga, skal eventuelt innbetalt vederlag refunderast.

Mattilsynet fører tilsyn med vilkåra etter § 7. Fiskeridirektoratet fører elles naudsynt tilsyn.

§ 9 TilbaketrekkingTilbaketrekking

Ved fire eller fleire brot på vilkåra i § 7 første ledd bokstav a og c over ein periode på to produksjonssyklusar blir kapasitetsauken trekt tilbake av Fiskeridirektoratet.

Dette gjeld uavhengig av kor mange lokalitetar brota har skjedd på. Vederlag som er innbetalt etter denne forskrifta vil ikkje bli refundert, jf. også § 5 siste ledd.

§ 10 Reaksjonar og sanksjonarReaksjonar og sanksjonar

Endra ved forskrift 15 nov 2016 nr. 1330.

Brot på vilkår etter § 7 kan bli møtt med reaksjonar og sanksjonar etter lov 17. juni 2005 nr. 79 om akvakultur.

meir enn 0,20, men mindre enn 0,30, vaksne holus i snitt i tre veker etter kvarandre.

0,3 eller fleire vaksne holus ved ei teljing.

Lovbrotsgebyr skal ikkje overstige 15 gongar grunnsummen til folketrygda. Det blir teke utgangspunkt i grunnsummen til folketrygda på tidspunktet for brotet.

§ 11 SøksmålsfristSøksmålsfrist

Fiskeridirektoratet, Fylkeskommunen og Mattilsynet kan setje som vilkår at mogleg søksmål om forvaltningsvedtak gjort etter at denne forskrifta er gyldig skal takast ut innan 6 månader frå det tidspunkt melding om fastsetjinga av frist kom fram til vedkomande part.

§ 12 IkraftsetjingIkraftsetjing

Denne forskrifta tek til å gjelde straks.

Vedlegg 1. Krav til rutinar for teljing av lakselusVedlegg 1. Krav til rutinar for teljing av lakselus

Tilføyd ved forskrift 15 nov 2016 nr. 1330.

Forskrift om auke av tillaten biomasse, akvakultur

§ 1 FormålFormål

§ 2 VerkeområdeVerkeområde

§ 3 Kunngjering av tilbodKunngjering av tilbod

§ 4 SøknadSøknad

§ 5 VederlagVederlag

§ 6 Krav til sending og søknadKrav til sending og søknad

§ 7 VilkårVilkår

§ 8 Vedtak og tilsynVedtak og tilsyn

§ 9 TilbaketrekkingTilbaketrekking

§ 10 Reaksjonar og sanksjonarReaksjonar og sanksjonar

§ 11 SøksmålsfristSøksmålsfrist

§ 12 IkraftsetjingIkraftsetjing

Vedlegg 1. Krav til rutinar for teljing av lakselusVedlegg 1. Krav til rutinar for teljing av lakselus

Endringshistorikk

§ 1 FormålFormål

§ 2 VerkeområdeVerkeområde

§ 3 Kunngjering av tilbodKunngjering av tilbod

§ 4 SøknadSøknad

§ 5 VederlagVederlag

§ 6 Krav til sending og søknadKrav til sending og søknad

§ 7 VilkårVilkår

§ 8 Vedtak og tilsynVedtak og tilsyn

§ 9 TilbaketrekkingTilbaketrekking

§ 10 Reaksjonar og sanksjonarReaksjonar og sanksjonar

§ 11 SøksmålsfristSøksmålsfrist

§ 12 IkraftsetjingIkraftsetjing

Vedlegg 1. Krav til rutinar for teljing av lakselusVedlegg 1. Krav til rutinar for teljing av lakselus

Endringshistorikk